جيتك بقايا انسان حيٍ وهو ميت
جيتك بقايا ميتٍ كان حيا
جيتك اجاذب عبرتي والتناهيت
جيتك وانا ما اعرف شمس وفيا
جيتك غريب ولا اعرف كيف انا جيت
جيتك وخلق الله عندي سويا
جيتك جماد بصرخة الحزن ناديت
جيتك وحزني في سمايه ثريا
جيتك وانا منك وعليك استخفيت
جيتك معدوم الذاكرة عشت غيا
جيتك نسيت اسمي ورسمي وما ابديت
جيتك ما اعرف ان البحر فيه ميا
جيتك لأجل حبٍ به العالم أنا أبليت
جيتك ابي شوف الغلا ما تهيا
جيتك ولأجلك دمعة الصمت هليت
جيتك واقول لدمعت الصمت هيا
جيتك أنا بدمعي ثرى الميت اسقيت
جيتك ودمعي لوردة الموت ريا
جيتك انا شد من عذابك تأذيت
جيتك اقول كويتي القلب كيا
جيتك اشوف الحلم بالعلم له صيت
جيتك خيال وميت الحظ عيا
جيتك ادور للغلى عندكم بيت
جيتك تقولي هناك ماهو هنيا
جيتك وعنك ابعدت واقبلت واقفيت
جيتك وحزني صار للقلب خيا
جيتك بعد ما رحت عني وصديت
جيتك انا دي واطوي البعد طيا
