طبعي تغير,,قلي إن كان لايق
اقبل أو ارحل يكفي القلب أوهام
كنت بحياتي كنت لي شي رايق
وكنت الحياة اللي أشوفه بالأحلام
وكان الشعور بداخلي شيء فايق
لكن قسيت وقسوتك سهمها ضام
جتني جروحه كني إنسان بايق
ياجرحها في داخلي مابعد صام
لانك قدرها والقدر كان سابق
وش حيلتي ماينفعه عض الأبهام
شيء جرى لو ماجرى كان عايق
هاذي نهايتنا غدت قصة العام
لكن تذكر في حياتي حقايق
باليوم والتاريخ في ماضي الايام
خمسة عشر مع عشر معها دقايق
اعيشها واجدر القلب لأنام
اخاف ينسى لا لها بالخلايق
هاك الحبيب اللي غدا ذكره الهام
الهام شعرٍ خطه احساس ضايق
إما تحسه أو تخليه ينضام
